Nagpatigayon sang briefing ang Department of Energy sa mga Local Chief Executives kahapon angot sa oil supply sang pungsod kag posible nga mahimo nga tikang para sa fuel consumption.
Ginpangunahan ni DOE Undersecretary Felix William Fuentebella ang briefing kag suno kay Negros Occidental governor Eugenio Jose ‘Bong’ Lacson, tuyo sang tanan nga local government unit nga panubuon ang consumption sa 20 percent amo nga wala sang ano man nga unnecessary travels para sa government vehicles kag dapat nga gamiton ini para lamang sa official business.
Suno pa sa gobernador, ginpamangkot sini kun paano ang mga nagatrabaho sa agriculture sector nga nagabakal na nga daan sang pila ka litro sang gatong para sa ila mga makinarya.
Pahayag ni Fuentebella, wala sang problema kun ini na ang ila naandan basta wala lang sila sang tuyo nga maghoard sang supply.
Samtang, nagpasalig naman si Fuentebella nga wala sang dapat nga ikabalaka bangod nagapangita ang national government sang mahimo nga kuhaan sang supply sa iban nga pungsod.
Apang nagpahayag man ini nga kun maglawig ang ini nga sitwasyon, posible nga may rationing nga matabo.
