Nag-file ang Department of Justice (DOJ) sang tatlo ka counts sang kaso nga Grave threats batok kay Vice President Sara Duterte kahapon, Agosto 11, sa Regional Trial Court sang Quezon City.
Nagpamatok naman sa nasambit nga tikang ang kampo sang bise presidente paagi sa legal counsel nga si Atty. Paul Lawrence Lim sang Chua Lim & Associates.
Suno kay Lim, gin-antisipar kag ginpreparahan na sang ila legal team ang ini nga desisyon.
Ginpakigbato sang abogado nga sa idalom sang layi, nagapabilin nga inosente ang Bise Presidente kag nagasalig sila nga mabasura man ang mga nasambit nga reklamo.
Gin-athag man sang legal counsel nga samtang nagapangatubang ang bise presidente sa impeachment case bilang isa ka “impeachable officer,” indi na dapat pagkasuhan pa sang kaso ukon mga paglapas nga sakop na sang impeachment case batok sa iya.
Bangud sa mga legal nga isyu, ginsiguro sang legal team sang bise presidente nga gamiton ang tanan nga mga available legal remedies sa palaabuton.
