Ginpahayag ni Donald Trump nga indi na ini makigbahin sa isa pa ka debate kaupod si Kamala Harris kadungan sang pagbalik sang White House rivals sa battleground states samtang nagahilapit ang US presidential election.
Ini ang ginpahayag sang anay Presidente kag sa karun Republican candidate duha ka adlaw matapos ang iya labing una nga televised clash batok sa Democratic nga bise-presidente kun sa diin ginbutang ni Harris si Trump sa defensive.
Sa Truth Social platform, ginpahayag sang 78-anyos nga si Trump nga wala na sang ikatatlo pa nga debate.
Madumduman nga ang una nga debate sini amu ang batok kay President Joe Biden.
Ginaclaim ni Trump nga santo sa polls, maathag nga siya ang nagdaog sa ila debate ni Harris apisar sang pila ka mga snap surveys nga nagapakita nga si Harris ang nagpanguna sa ila pag-atubangay nga ginlantawan sang masobra 67 million Americans.
