Ginkumpirmar sang Punong Barangay sang Barangay Alijis, Bacolod City nga nakay-o na ang ginareklamo nga barado nga drainage system sa Pauline Village nga ginareklamo nga nagatuga sang pagbaha kada mag-ulan.
Sa interview sang Bombo Radyo Bacolod kay Punong Barangay Deogracias Dela Vega, ginpahayag sini nga gin-extend na ang tamburong agud maglaba kag ginpadakuan ang intersection agud nga indi magbara.
Ginpasiguro sini nga 101% nga wala na nagalapaw ang tubig sa karsada.
Samtang, iga-follow up naman sini ang drainage system sa bahin sang mga kalan-an sa amo gihapon nga lugar.
Suno sa iya, padal-an niya sa Lunes sang tawo nagikan sa DPWH ang area agud nga masuguran naman kaayo.
Posible nga cutingan ang dalan sa amo nga lugar kag maproceed na sa drainage system.
Liwat naman nga nagpamalibad si Dela Vega nga hingadlan si Mr. Secret nga nagpakaayo sang drainage system.
