BACOLOD CITY — Nagdangat na sa 1, 189 ang mga drug personalities sa bilog nga probinsya sang Negros Occidental nga nagsungka humalin sang ginbalik ang Oplan Tokhang sang Philippine National Police.
Sa interview sang Bombo Radyo, ginpahayag ni Police Superintendent Glenn Provido, deputy provincial director for operations sang Negros Occidental Police Provincial Office, nga ang 1, 189 ang nagsurrender humalin sang ginbalik ang Oplan Tokhang sang bulan sang Disyembre.
Sa kabug-usan, nagadangat sa 11 mil ang nagsungka sa Oplan Tokhang humalin sang ini ang ginpatuman sang Hulyo tuig 2016.
Sa karon, may yara sang 693 ka mga persona nga yara sa drugs watchlist kag 1, 110 ang ginrehabilitate.
Nagpatigayon man ang Department of Health sang assessment agud mahibaluan kun ano kalala ang paggamit nila sang druga.
Humalin naman sang ginpatuman ang Oplan Tokhang suno kay Provido, nagadangat na sa 3.33 kilos sang shabu ang nadakpan sang mga pulis.
