Ginkumpirmar sang Israel ang deportasyon sang ginatos nga mga pro-Palestinian activists matapos ginbalabagan sang mga Israeli forces ang Global Sumud Flotilla nga may dala nga ayuda para sa Gaza.
Ini matapos makabaton sang pagbatikos ang Israel naggikan sa nagkalain-lain nga pungsod bangud sa isa ka viral nga video sang Minister of National Security nga si Itamar Ben Gvir nga nagapang-insulto sa mga aktibista samtang nakaluhod kag nakagapos ang ila mga kamot.
Bangud sa insidente, ginpatawag sang United Kingdom, Poland, kag iban pa nga mga pungsod ang mga diplomat sang Israel agud i-kondenar ang insidente.
Nagpangabay naman si Deputy Prime Ministe Antonio Tajani sa European Union nga ikonsidera ang paghatag sang nagakaigo nga sanctions batok kay Ben Gvir bangud sa paglapas sa kinamatarong sang isa ka tawo.
