Ginpahayag ni Interior and Local Government Secretary Benhur Abalos Jr. nga ginpaidalom na state of calamity ang apat ka mga probinsya kasunod sang kahalitan nga gintuga sang Hanging Habagat nga ginpabaskog pa sang Super Typhoon Carina.
Sa tion sang situation briefing kaupod si President Ferdinand ‘Bongbong’ Marcos Jr nga may kaangtanan sa epekto sang Habagat kag Bagyong Carina, ginpahayag ni Abalos nga magluwas sa mga ciudad sa National Capital Region (NCR), gindeklarar man ang state of calamity sa Bataan, Bulacan, Batangas kag Cavite kasubong man ang Pinamalayan, Oriental Mindoro.
Una na nga ginpahayag ni Abalos nga ang Kabacan, Cotabato; Pikit, Cotabato; Butuan, Davao de Occidental, kag pila pa ka mga lugar ang gindeklar man ang state of calamity.
Kahapon, nagdeklarar ang Metro Manila Council (MMC) sang state of calamity sa NCR sa tunga sang lapnagon nga pagbaha nga tuga sang Hanging Habagat ukon Super Typhoon Carina.
