Nalumos ang duha ka 19 anyos nga construction worker sa suba sa Sitio Dumpsite, Barangay Buenavista, ciudad sang Himamaylan, kahapon, alas-7:30 sang aga.
Sa interview sang Bombo Radyo Bacolod kay Police Lt. Col. Anthony Grande, chief of police sang Himamaylan City Police Station, nagpadulong sa suba sanday Andrew Cordero, residente sang Brgy Zone 12, ciduad sang Talisay kag Yantor Yanson, residente sang Barangay Felisa sa ciudad sang Bacolod, para magkuha sang balas.
Naglumpat si Cordero sa suba para maligo, apang bangod sa makusog nga current naanod ini padulong sa madalom nga bahin sang suba.
Sang nakita ni Yanson nga nagapangayo sang bulig ang iya abyan, gilayon man ini nga naglumpat para buligan si Cordero apang naanod man ini padulong sa madalom nga bahin.
Ang duha ka biktima ang nakita sang ila duha man ka kaupod nga gilayon nga nangayo sang bulig sa mga residente sang lugar.
Nagpatigayon sang search and rescue operation kun sa diin kapin alas- 10:00 na sang aga sang nakit-an ang bangkay sang duha ka biktima.
