Duha ka U.N. peacekeepers naggikan sa Ethiopia ang napatay samtang pilason naman ang pito ka iban pa sa isa ka ambush kahapon, Agosto 24 sa Jonglei State, South Sudan, santo sa United Nations.
Nagsaka na sa siyam ang numero sang mga peacekeeper nga nautas ang kabuhi sa serbisyo sa bug-os nga kalibutan sini nga tuig.
Kalakip sa mga nasamaran ang tatlo ka U.N. peacekeepers, duha ka police officer naggikan sa South Sudan, kag duha ka civilian staff members, suno kay U.N. spokesperson Stephane Dujarric sa isa ka press briefing.
Suno kay Dujarric, hungod nga gin-target sang mga wala makilal-an nga mga armado nga indibidwal ang patrol sang U.N. nga nagapatigayon sadto sang regular nga paglibot-libot sa area.
Nagpanawagan ang U.N. sa mga otoridad para sa isa ka maid-id nga imbestigasyon agud matumod ukon mapanabat ang tanan nga responsable sa krimen.
Suno diri, makabig nga war crimes sa idalom sang international law ang pagpang-atake batok sa U.N. peacekeepers.
