Ginkahadlok sang mga pumuluyo nga naga istar sa isa ka compound sa Bustis, Bulacan ang gulpyada nga pag-andar sang nakapark nga e-bike.
Nahinbaluan nga ang ginapa-arkilahan nga balay ang kapila na ginbiyaan sang mga nagarenta bangod sa mga gakalatabo nga indi ma-eksplekar.
Suno kay Vernie, apisar nga madamo na ini sang mga sugilanon nga nabatian natuhoy sa balay, nagrenta ini sa gihapon bangod madako ang balay kag barato ang renta.
Apang sang bulan sang Hulyo, alas-11:00 sang kagab-ihon, hinali nga may natabo nga makatilingala.
Ini bangod ang e-bike nga nakapark lang sang higad ang hinali nga nag-andar kag naglibot-libot sa compound nga wala sang may nagadala.
Ini ang makapila nga naglibot sa lainlain nga dereksyon tubtob nga nakabunggo kag nagpundo.
Madamo man sang nakabugtaw bangod sa katunog sang pagbunggo sang e-bike, apang wala na sang nangisog nga maggwa bangod sa kakulba.
Ginpalantaw man sa mekaniko ang e-bike, kag apisar nga may nakita nga mga problema ukon guba, ini ang indi man sarang makapahulag sang e-bike nga naga-isahanon.
Ginapahayag nga mahimo napabay-an lamang nga naka-on ang e-bike kag na-lock ang manibela gani sang ini ang nagstart, nagsala ang throttle sang e-bike.
Apang si Vernie an g nagapanindugan gid nga wala nila ginabilin ang yabi sang e-bike kun ini ang ginapark.
