Nagtakop na kagina las 12 sang kaagahun ang ginpatuman nga election gun ban sang Commission on Elections.
Suno kay Police Chief Inspector Joem Malong,spokesperson sang Police Regional Office 6 nga nangin madinalag-on ang ginpatigayun nga gun ban bangud man sa mga accomplishment s sang mga kapulisan.
Ginpasalamatan man sini ang mga pumuluyo sa ginpakita nga kooperasyon sang mga pumuyi sa ginpatigayun nga COMELEC gunban.
Apisar nga natapos na ang gunban suno kay Malong magapadayun sa gihapon ang operasyon sang kapulisan.
Dugang pa diri sa datos nga ginpagwa sang PRO6 nga sa bilog nga rehiyon may yara sang 91 nga mga ginpang-aresto, 12 ka mga explosive, 33 ka mga bladed weapons kag 247 nka mga firearms ang nakonpisca.
Sa Negros Occidental may yara sang 29 ka mga ginpang-aresto,2 ka explosives,8 bladed weapons, 39 ka mga firearms ang narekober.
Sa ciudad sang Bacolod may yara sang 18 ka mga gin-aresto,8 bladed weapons kag 15 ka mga firearms ang narecover sang kapulisan.
Sa probinsya sang Iloilo may yara sang 14 ka mga ginpang-aresto, 3 ka explosives kag 51 ka mga armas samtang sa Iloilo City (ICPO) 4 ang gin-aresto, 5 bladed weapons, 1 ka armas.
Ang Probinsya sang Antique ang may yara sang 9 ka mga arestado, 3 bladed weapons kag 27 ka armas.
Sa Probinsya sang Guimaras 1 ang arestado, 1 bladed weapons kag 10 ka armas.
Sa probinsya sang Capiz 8 ang arestado, 7 explosives, 1 bladed weapon kag 96 ka mga armas ang nakompeskar.
