UPDATE – Ginkumpirmar sang Civil Military Operations Officer sang 303rd Infantry Brigade nga madayun sa gihapon ang Barangay and Sangguniang Kabataan (SK) election sa Brgy. Tan-awan, Kabankalan City, apisar sa nagluntad nga engkwentro sa tunga sang kapulisan kag New People’s Army (NPA) sang Sabado.
Suno kay Captain Ruel Llanes, Civil Military Operations Officer sang Phil. Army nga wala sang pagbag-o sa direktiba sang election supervisor sang ciudad kag ginasiguro niya nga madayon gid ang eleksyon.
Dugang pa sini nga wala sang dapat kabalak-an ang pumuluyo bangud sa gintingub nga pwersa sang Armed Forces of the Philippines (AFP) kag Philippine National Police (PNP) sa lugar.
Kun may mga pamahog may kaangtanan sa eleksyon suno kay Llanes gilayon nga makig-angot sa militar kag kapulisan agud nga mahatagan sang solusyon.
