Nagaplano ang tech billionaire nga si Elon Musk nga magcommit sang kapin 45 million dollars kada bulan sa bag-o nga fund nga nagasuporta kay Donald Trump sa pagpapili sini bilang Presidente sang Estados Unidos.
Ang donasyon ni Musk ang magakadto sa isa ka political group nga ginhingadlan America PAC, nga magafocus sa pagpromote sang voter registration, early voting kag mail-in ballots sa mga residente sa swing states antes ang general election sa Nobyembre.
Si Musk ang isa sa pila ka mga major backers sang bag-o nga fund kag ang iban amu sanday Palantir co-founder Joe Lonsdale, former US ambassador to Canada Kelly Craft kag cryptocurrency investors Tyler kag Cameron Winklevoss.
Pormal man nga gin-endorso sang Tesla founder ang kandidatura ni Trump sa pagka-Presidente sang Sabado matapos nga nakaluwas ang anay Presidente sa isa ka shooting sa isa ka political rally sa Butler, Pennsylvania.
Nagpalab-ot man ini sang paglaom nga makarecover gilayon si Trump.
