Nag-file sang counter-affidavit si former DPWH secretary Manuel Bonoan kaangot sa reklamo nga plunder batok sa iya sa Department of Justice kahapon.
Suno kay DOJ Spokesperson Atty. Polo Martinez, indi lang isa ka proyekto ukon lugar ang nalakip sa reklamo nga plunder.
Ini ang may kaangtanan sa gina-alegar pagkuha sang ill-gotten wealth nga masobra P50 million nga nakuha sini paagi sa nagkalain-lain nga trasaction.
Ginkumpirmar man ni Bonoan nga may plano ini nga magkadto sa Estados Unidos apang wala pa sini mahibaluan kun san-o.
Suno pa diri nga ginpasugtan man ini sang Department of Justice.
Madumduman nga nagbiyahe si Bonoan padulong sa Estados Unidos paagi sa Taiwan sang Nobyembre 2025 agud updan ang iya asawa nga mag-paidalum sa isa ka medical procedure.
Nagbalik ini sa Pilipinas sang Enero 18, 2026.
Una naman nga ginpanginwala ang alegasyon nga nagbaton ini sang masobra P2 bilyon nga kickback halin sa mga proyekto sang gobyerno.
