Naglapta na sa anum ka barangay sa banwa sang Murcia ang Fall Army Worms nga naghalit sa mga pananom.
Suno kay Murcia Municipal Mayor Gerry Rojas, nagduging ang Fall Army Worms sa barangay Caliban, Canlandog, Minoyan, San Miguel, Amayco kag Pandanon.
Nagdangat sa kapin sa 100 ektarya ang nahalitan kun sa diin masobra sa 40 ka mga mangunguma ang apektado.
Suno sa alkalde, may yara na sila sang gin-procure nga pesticides para matapna ang Fall Army Worms, kag sila nagpatigayon sang seminar kun ano ang husto nga pag-spray agud nga mapatay ini.
Ini bangod nga kalabanan sa mga army worms ang nagapanago sa idalum sang dahon nga indi malab-ot sang pesticide paagi sa ordinaryo nga pag-spray lamang.
Una man nila nga tinutuyo nga maguba amo ang pugad sini.
