Matapos ang duha ka tuig nga hiatus, liwat nga pagwaon kada Miyerkules sang gab-i ang Manila Wrestling Federation (MWF), ang Filipino version sang pro wrestling sumugod sa Mayo 11.
Suno kay MWF president Veronica Litton, sila ang nagapanguna kag pinakamadasig nga rising sports entertainment sa Pilipinas kag ginapromote sang mga ini ang professional wrestling sa Pilipinas gamit ang mga characters kag story lines nga pinasahe para sa mga Filipinos.
Igafeature sang MWF ang pila sa mga most accomplished personalities sa Pilipinas lakip na si Crystal, isa ka internationally renowned wrestler nga ginfeature sang “Midnight Asia” sa Netflix; Fabio Makisig, nga ang kabuhi ang ginfeature naman sa isa ka dokumentary nga gintiguluhan “Mukha” kag Robin Sane, ang inaugural champion sang MWF nga nagperform sa Hong Kong, Singapore kag Malaysia.
Ang culminating activity ang pagalakipan sang first major live spectacle, ang MWF Republika, sa Hunyo 5 sa Doreen Fernandez Black Box, Arete sa Ateneo de Manila University campus sa Loyola Heights, Quezon City.
Ini ang mangin labing una nga pro-wrestling event humalin sang nagsugod ang pandemic.
