Nasapwan nga wala sang kabuhi ang isa ka British National sa atubang sang isa ka sari sari store sa Purok Katilingban, Barangay Salong, Kabankalan City, alas-6:30 kaina sang aga.
Ginkilala ang biktima kay alyas Adrian, 64-anyos, British national ang temporaryo nga nagapuyo sang Barangay Hall sang Barangay Salong, Kabankalan City.
Santo sa inisyal nga imbestigasyon sang Kabankalan City Police Station, ginpahayag ni Alias Marlon, 64 anyos, kag residente sang nasambit nga Barangay nga mga alas 2:00 ang takna sang hapon sang Hunyo 30 ang biktima ang nag-abot sa lugar kag nagpangayo sang pagkaon kun sa diin gilayon man nga gintagaan sang kan-on kag sabaw nga ginkaon man sini.
Alas 8:00 ang takna sang gab-i sang Hunyo 30, si Alias Marlon kaupod ang mga abyab sini ang naga-inum sang makahulubog nga ilimnon sa Sari-Sari Store kag nag-abot ang biktima kun sa diin nag-upod man sa pag-inum.
Sang Alas 10:00 ang takna sang gab-i sang Hunyo 30 nagpauli na sanday alias Marlon apang ang biktima ang nagpabilin kag nagpadayon sa pag-inum.
Alas 6:30 ang takna kaina sang aga, nagbukas si Alias Gerard sang tiyangge nakita sini nga nagahamyangon ang biktima nga wala na sang pangalibutan.
Gilayon nga gindala sa District Hospital, Kabankalan City apang gindeklarar nga dead on arrival.
Wala man sang nakita nga sinyales nga ini ang ginpabudlayan antes ginbawian sang kabuhi.
Suno sa Punong Barangay, ang biktima ang wala sang balay kag nagatinir VAWC office sang nasambit nga Barangay sa sulod na sang tatlo ka tuig ang naobserbahan nga nangin alcoholic na kag nagainum naman sang bulong para sa iya maintenance.
