Nakahanda nga luwason ni former world champion Gennady Golovkin ang boxing agud nga indi pagkakason sa Los Angeles Olympics sa maabot nga tuig 2028.
Ginpili si Golovkin bilang Olympic commission chair nga makighinun-anon sa International Olympic Committee agud indi pagkakason ang sport nga boxing sa Olympics.
Prayoridad sini nga mapabilin ang boxing bilang Olympic sports.
Si Golovkin ang Olympic silver medalist sang 2004 kag nangin professional boxer nga nakahimo sang record nga 42 wins, duha ka loses kag isa ka draw.
Madumduman nga ginhatagan sang tubtob sa masunod nga tuig sang International Olympic Committee ang International Boxing Association nga pamatud-an nga wala sang natabo nga anuman nga pagdinaya agud nga indi makakas ang boxing sa Olympics.
