Ginakabig sang former Department of Education secretary nga dako nga disbentaha ang pagpatigayon sang modular learning kag online class.
Suno kay Dr Jeslie Lapuz, wala sini gina-ugyonan ang pag-umpisa sang klase sa bulan sang Agosto ukon Setyembre.
Suno diri, ang summer break na kuntani para sa kabataan ang ila pa ginatinir sa eskwelahan kadungan ang mainit nga tiyempo.
Sa karun nga madamo sang kanselasyon sang klase nga nagakatabo, suno kay Lapuz, major disadvantage para sa mga kabataan ang pagpatigayon sang distance learning bangod nga nagakabuhinan ang kalidad sang edukasyon kag nagakadula ang social life sang bata.
Samtang, nagpahayag man ang Vice President sang Western Visayas for Higher Education Institution nga dapat nga magbalik na ang full implementation sang face to face class.
Suno kay Dr. Mark Molina, apisar nga magkapareho ang delivery lesson, wala naman sang matukod nga relasyon sa tunga sang manunudlo kag estudyante kag kaangay na lamang nga indi maka-upod sang bata ang kaangay sini nga bata sa sulod sang classroom.
