Ginpanginwala ni Former Justice Secretary Vitaliano Aguirre II nga may kaangtanan ini sa gina-alegar nga extrajudicial killings sa drug war ni former President Rodrigo Duterte.
Si Aguirre isa sa mga ginhingadlan sang International Criminal Court (ICC) bilang co-perpetrators ni Duterte apang suno sa iya wala siya naka-agi nga nag-engaged sa bisan ano nga extrajudicial killings.
Dugang pa sini, wala niya ginasuportahan ang amo nga butang kag wala ini sang ideya kun ano ang isyu.
Suno kay Aguirre, nahibaloan sini sang Setyembre 2025 nga naggwa ang iya pangalan sa lesser-redacted version sang dokumento nga naga-unod sang chrages batok sa anay presidente nga ginrelease sang ICC nga ginpasa sa prosecution sang Pebrero 13.
Apang, wala man sini ginsapak gid bangod wala man siya sang dapat nga ikahadlok.
Pahayag sang anay Justice Secretary nga preparado ini atubangon bisan ano man nga charges ang ifile batok sa iya apang sa karun wala pa siya sang ideya kun may na-issue na nga warrant of arrest.
Si Aguirre ang lawyer sadto ni Duterte sang alkalde pa ini sa Davao City kag sang mga gina-alegar nga miyembro sang Davao Death Squad.
Siya nagserbe bilang Justice Secretary humalin sang Hulyo 2016 tubtob Abril 2018 sa idalom sang Duterte administration.
