Para sa Parish Priest sa Triump of the Holy Cross Parish may yara sang madalum nga kahulugan ang pagtaliwan ni Pope Francis sa Easter Monday.
Suno kay Fr. Chris Gonzales, sang 2015 sa pagbisita ni Pope Francis sa Pilipinas, nagpadulong ini sa Manila kag nakatambong sa misa sang Santo Papa.
Suno diri, sa pagkakita sini kay Pope Francis, tuman ang kalipay sini kaangay nga indi mabakal nga tion.
Tuman ang kasubo sini sa pagtaliwan sang Santo Papa kag dako naman nga pagpanghangkat bangod matahum ang ginbilin sini nga legasiya.
Panugyan sini nga indi lamang magkasubo kag dumdumon ang kaayohan sini kag magpadayon sa pagpangamuyo para sa Santo Papa kag sa simbahan nga ginpalangga sini.
Para kay Gonzales, ginakalipay sini nga natabo ang pagtaliwan ni Pope Francis sa Easter Monday bangod kaangay nga may matahum ini nga kahulugan bilang alagad sang Ginoo.
