Nadiagnosed ang isa ka Chinese nga lalaki sa fungal lung infection bangod masami ini nagasimhot sang mahigko nga medyas nga ginasuksok sini bilog nga adlaw.
Ang lalaki nagatrabaho sa opsina sa Chonqing ang gin-admit sa Southwest Hospital sang Army Medical University bangod sa wala untat nga pag-ubo.
Ginsugid sang lalaki sa mga doktor nga mas naglala na gid apisar nga naga-inom ini sang cough syrup kag dugang pa nga nagpalamula ang mata sini nga nagduso sa iya nga magpalapit sa doktor.
Matapos ang ginconduct nga CT kag MRI examinations, may yara sang nakit-an sa lower part sang iya natuo nga baga kag sa subsequent bronchoscopy nga ang pasyente nagsuprer sang fungal lung disease nga tuga sang Aspergillus infection.
Sa pagpamangkot sa iya sa posible nga rason sang infection, nahibaluan nga masami sini ginasimhot ang kaugalingon sini nga higko nga medyas.
Samtang ginakwestyon, natukiban nga kada magpauli ini halin sa trabaho, antes sini ginabutang sa washing machine ang iya medyas, iya ini anay ginasimhotan.
Ang nasuksok na nga medyas ang may yara sang balhas kag urea kag ang temperatura sa sulod sang sapatos nagaduso sa pagtubo sang fungi.
Ang pagsimhot sang mahigko nga medyas bisan ikaw pa ang nagapanag-iya, may yara ini sang mataas nga risgo sang pagsimhot sang fungus kag bacteria
Kun ini ang makalabay sa ilong kag tutunlan kag ini ang makalab-ot sa baga kag makatuga sang infection nga may yara sang long-term consequences.
