Nagapreparar naman ang Office of the Provincial Veterinarian sa Negros Occidental apisar nga magamay lamang ang tsansa nga makalusot ang Q fever.
Nahibaluan nga nadetect sa karun sa Luzon ang kaso sang Q Fever, isa ka bacterial infection nga nagikan pa sa Estados Unidos.
Suno diri, wala sang makita nga sintomas sa mga kasapatan nga infected, magluwas lamang sang pagkadula sang gana sa pagkaon, apang ini ang nagalatun sa mga baka, kanding, karbaw kag bisan pa sa tawo.
Sa interview sang Bombo Radyo Bacolod kay Dr. Ryan Janoya, officer in charge sang Provincial Veterinary Office, ginapakamaayo sini nga contained na ang infection sa duha ka mga farm sa Pamapanga kag Marinduque.
Suno diri, ang probinsya sang Negros Occidental ang wala naga-import sang mga kanding, karbaw ukon baka bangud may Provincial Livestock Breeding Center sa La Carlota City.
Apisar sa magamay nga tsansa sang paglab-ot sang balatian sang sapat sa probinsya, may nakaplastar naman sila nga animal surveillance kag monitoring.
