Masami K-9 nga ido ang ginagamit sang law enforcers para masiguro ang security sa lugar kag pagbantay sa mga presohan.
Apang sa Sao Pedro de Alcantara penitentiary sa Santa Catarina nga isa ka remote state sa Southern Brazil, mga gansa ang ginpili para bantayan ang masobra sa 12,000 ka mga preso.
May yara man sang masobra sa 200 ka CCTVs sa mga towers kag may yara man sang roving guards.
Ang mga gansa ang first line of defense batok sa mga preso nga may tuyo nga malagyo kag sila nakapwesto sa nagkalain-lain nga bahin sang prison territory.
Suno kay Maros Coronetti, isa ka prison guard, kun may magtuyo nga malagyo, naga-gahod ang mga gansa.
Suno diri, mas ginpili nila ang mga gansa sang sa mga ido nga makapoy ang maintenance.
Dapat sila regular nga ginadala sa veterinarian, kinahanglan i-train, kag nagakinahanglan sang atensyon.
Samtang ang mga gansa naman 24 oras nga alerto kag mas magagahod sang sa mga ido.
Ang mga “guard geese” ang 15 ka tuig na nga nagaserbe sa presohan.
