Gender sang gin-utdan sang tiil sa ciudad sang Kabankalan, ginatumod pa

Padayon pa ang imbestigasyon sang Kabankalan City Police Station agud nga matumod ang gender kag ang ang tag-iya sang utod nga tiil nga nasapwan sa Brgy. Hilamonan syudad sang Kabankalan, sadtong Huwebes, Marso 28.

Sa interview sang Bombo Radyo Bacolod kay Police Captain Joelan Vinson ang Deputy Chief of Police sang Kabankalan City Police Station, wala pa sila sang impormasyon kun sin-o ang nagapanag-iya sang tiil bangud wala man sang pamilya ukon indibidwal ang nagclaim sini.

Suno kay Vinson, ginahulat nila sa karun ang resulta gikan sa examination sang Scene of the Crime Operative (SOCO) para matumod na kung ini ang iya sang lalaki ukon babayi ang utod nga tiil.