Gilas Pilipinas, napaslawan sa Georgia

Napaslawan ang Gilas Pilipinas sa Georgia sa score nga 96-94 sa FIBA Olympic Qualifying Tournaments.

Bisan nga nalutos ang Gilas, sulod sila sagihapon sa semifinals sa hampang nga ginpatigayon sa Riga, Latvia.

Kinahanglan nga makalamang sang masobra sa 19 puntos ang Georgia agud nga makaabanse.

Yara sa pangaduha nga pwesto ang Gilas Pilipinas sa Group A nga may yara sang 1 ka daog kag isa ka pierde kag dako pa ang tsansa nga makahampang sa Paris Olympics.

Masunod nga makasumpong sang Gilas ang sin-o man nga magadaog sa tunga sang Brazil kag Cameron sa number 1 spot sa Group B.