Gingamit sang Presidente sang Samahang Weightlifting ng Pilipinas ang Senate Hearing agud mapa-utwas ang concern sa gina-alegar pagpasilabot sang Philippine Olympic Committee sa Philippine Sports Commission.
Sa interview sang Bombo Radyo Bacolod kay Monico Puentevella, dako ang pasalamat sini nga siya ang gin-imbetar ni Senator Bong Go, chairman sang Sports Committee sa Senado, gani siya ang nahatagan sang oportunidad nga mapa-utwas ang iya hibubun-ot.
Pahayag sini nga sa 2024 Paris Olympics, nakibot ini sang makita ang isa ka coach nga ginpasuspender sini.
Ang coach ang gina-alegar ginpa-upod sang POC sa Philippine delegation.
Suno kay Puentevella, ang coach ang iya ginsuspender matapos nanapungol sang isa sa iya weightlifter sa Cebu.
Panindugan sang POC nga request sang mga atleta ang pagpaupod sa nasambitan nga coach.
Suno kay Puentevella, masobra apat ka tuig ang training sang kada atleta para sa Olympics samtang siya ang 22 ka tuig naman sa Samahang Weightlifting ng Pilipinas kag anay nagpungko man bilang POC President.
Panindugan sini nga kaangay nga ginapagwa sang POC nga sila ang mas nakahibalo kun ano ang kinahanglan sang atleta apisar nga wala man ang mga ini sa pagtraining sang mga atleta.
Ginpahayag ni Puentevella, nga wala sang diber ang POC nga maghimo sang desisyon kun sin-o ang mga paupdon nga opisyal sa kapin 80 ka National Sports Association nga nalakip sa PSC.
Gindumdom man sini nga si Olympic Gold Medalist Hidilyn Diaz ang maka-apat nga nagcompete sa Olympics antes nakabulawan, kag sa ikaapat na sini nga paghampang amo nagrequest sang coach.
Gani indi dapat nga magsunod lamang ang POC sa kun sin-o ang luyag sang mga players nga dal-on nga coach.
