Ginpili ni Kamala Harris si Tim Walz bilang running mate sini bangud siya ang nagapati nga ang gobernador sang Minnesota ang makacomplement sa iya isa ka maragtason kag mabudlay nga pagpapili para sa pagka-Presidente sa Nobyembre.
Si Walz ang nalakip sa isa ka shortlist kaupod ang iban pa nga Democratic figures nga ginalantaw makaupod ni Harris sa pagcompete sini batok kay Donald Trump.
Si Harris, nga may tinutuyo nga mangin labing una nga Presidente nga babaye sa maragtas sang Estados Unidos, ang nakahimo naman sang maragtas matapos nangin labing una nga babaye kag Black kag South Asian vice president.
Ginlauman naman nga puti nga lalaki ang pilion sini bilang running mate agud mangin balanse ang ticket kag isa ka Democrat nga makabulig sa iya sa pagcounter sang mga pagpang-atake nagikan sa Republicans.
Si Walz, 60-anyos, ang isa ka Midwesterner kag nagikan sa isa ka state malayo sa East Coast kun sa diin naman naghalin si Harris.
