Kaina sang aga, ginpahayag ni Governor Eugenio Jose “Bong” Lacson nga ang patient number 15 sa western visayas, isa ka 51 anyos kag may-ara travel history sa Manila kag Davao.
Ang pasyente may-ara sang sakit nga hypertension kag amo man sang asthma.
Siya ang nagkadto sa Manila sadtong March 1 kag nagpa-Davao sang March 6.
Nagbalik ini sa Negros sang March 8, kag liwat naman nga nagpa Manila sang March 9.
Nagbalik ini sa Negros sang March 14 kag nagpaidalom ini sa home quarantine.
Naggwa ang sintomas sini nga hilanat sang March 23, kag bangod sa ubo kag kabudlay sa pagginhawa nagpakunsulta ini kag gin admit sadtong March.
Nagkuha ini sang SWAB test sang March 24, kag sa subong yara na sa estable nga kundisyon.
Nakaplano na kuntani ini nga paguhaon sang March 28 apang sa amo man nga adlaw nagguha ang resulta sang test nga ini positibo sa COVID-19 disease.
Suno sa protocol makalab-ot ang duha ka semana sarang na ini nga makapatigayon sang ikaduha na test para ma tsekar kun hilway na sa balatian.
Kung magnegatibo ang pasyente, sa ika tatlo sini nga pagkuha sang test kag negatibo gihapon ang resulta, sarang na ini nga makapauli kag makunsidira nga clear na sa balatian.
