Ginpahayag sang presidente sang Bacolod Alliance for Commuters, Operators, and Drivers (Bacod) nga ang pagpatigayon sang mga modernized jeep sang unity walk ukon untat biyahe ang nagapakita lamang nga indi ang mga ini pabor sa resolusyon nga gindihon sang senado.
Ang nasambit nga resolusyon amo ang pagsuspend sang pagpatuman sang pagpatuman sang Public Utility Vehicle Modernization Program (PUVMP).
Sa interview sang Bombo Radyo Bacolod kay Rudy Catedral, ang tikang sang grupo sang modernized jeepney ang nagapakita lamang nga nagapamatok ang mga ini sa tikang sang mga senador.
Suno kay Catedral, ang paguntat biyahe sang modernized units ang indi man mabatyagan sang mga commuters bangud madamo man sang traditional nga masakyan.
Samtang gin-athag man sini nga wala nagapamatok sa modernization program bangud ang tanan ang magapadulong man sa moderno nga panahon.
Suno diri, maupod sila sa modernization apang dapat individual ang prangkisa kag ang jeepney units ang iparenovate lamang nga mangin environment friendly agud makabarato kag indi na sila maggasto sang binilyon ka pesos.
Nagapasalamat man ini sa mga senador nga nagdihon sang resolusyon nga isuspend temporaryo ang pagpatuman sang PUVMP nga ginakabig sang mga ini nga palpak nga programa sang gobyerno.
