Gin-abi abi sang mga transport group leaders sa Bacolod City ang tikang sang Sangguniang Panlungsod nga magdihon sang resolusyon agud nga makakuha sang provisional authority nagikan sa Land Transportation Franchising and Regulatory Board (LTFRB).
Sa interview sang Bombo Radyo Bacolod kay Lilian Sembrano, presidente sang Kabacod Negros Transport Organization (KNETCO) nagpatigayon sang committee hearing ang Committee on Public Transport sa pagpanguna ni Bacolod City Councilor Atty. Dindo Ramos matapos nga sila ang nagpadala sang request letter para sa paghinun-anon.
Suno kay Sembrano, nagpasa sila sang possession letter para sa renewal sang ila nga franchise, route plan kag panindugan sa enhancement sang ila jeepney units kag ang subsidy.
Suno diri, ang gintutukan sa renewal sang franchise kag ang route plan kun sa diin ini gindiskusyunan kag mahimo magpagwa sang resolution si Ramos agud nga engganyuhon ang LTFRB nga makarenew sila sang provisional authority.
Suno diri, ginbasehan sa pagdihon sang resolution para sa ila renewal amo nga mabudlayan ang mga commuters kag may yara sang madulaan sang mga palangabuhian.
Tinguhaon man ni Ramos nga makumbinser ang mga kaupdanan sang sini sa SP nga makadihon kag makapagwa sila ang resolution agud nga mabasehan man sang transport leaders sa pagkuha liwat sang provisional authority kag insurance para sa passengers safety.
Samtang sa interview sang Bombo Radyo Bacolod kay Rudy Catedral, president of Bacolod Alliance of Commuters Operators and Drivers Inc. (BACOD)-Manibela, isa sa mga concern sang mga ini nga mahatagan sang solusyon amo ang mahatagan sila sang provisional authority agud nga indi sila pagdakpon sa August 1 santo sa Department Order sang Land Transportation Office nga dakpon ang tanan nga indi rehistrado nga Public Utility Jeepney sa bug-os nga Pilipinas.
Suno kay Catedral ang provisional authority ang para man sa safety sang mga commuters.
Suno diri, ang ginapanawagan sang mga ini kay Councilor Atty Dindo Ramos nga madala sa ila agenda sa session sang City Council ang pag-apruba sang resolusyon para makarenew ang mga ini sang provisional authority.
Apang suno diri ang ila nga ginapakigbato sa gihapon amo ang pagbalik sa ila nga 5 years franchise.
Positibo man ini nga mahatagan sang solusyon ang ila nga problema bangud nakita sini nga si Councilor Dindo Ramos ang indi maluyag nga may madulaan sang palangabuhian kag maapektuhan ang mga commuters bangud nagdangat man sila sang linibo nga unconsolidated jeepneys sa ciudad sang Bacolod.
