Temporaryo nga ginpa-untat ang Campaign Ads sa tanan nga social media kag netrowking sites sang bahin ni US President Joe Biden para sa pagpakig-unong sa natabo nga attempted assassination sa campaign rally ni Former US President Donald Trump sa Butler, Pennsylvania.
Sa interview sang Bombo Radyo Bacolod kay Bombo International News Correspondent Noor Moraña, walo tanan ka lupok ang nabatian sa pag-attempt nga tiruhon si Trump.
Nag-agom sang pilas si Trump sa dulunggan nga bahin samtang isa naman ka nagtambong sa rally ang kumpirmado nga patay kag may duha pa nga yara sa ospital nga nag-agom sang serious injury.
Gilayon naman nga nag-response ang US Secret Service kag nagtabon kay Trump tubtob nga mapasulod ini sa vehicle.
Apang, nahimo pa sang anay presidente nga magpakita sang iya nawong kag mag-alsa sang iya inumol kag amo naman nga nagsinggit ang mga tawo nga “USA! USA!”.
Samtang, antes pa man natabo ang assassination, may nakakita sa suspek nga nagalibot-libot sa area kag nagsaka sa rooftop sang isa ka building.
Ini man ang ginreport sa mga kapulisan, kag nahimo nga mapatay sang US Secret Service ang suspek.
Suno kay Moraña, ginkaakig sang mga republicans ang natabo nga attempted assassination nga nagapakita nga hugot nga ginapamatokan ang liwat nga pagpungko ni Former US President Donald Trump bilang presidente sang Amerika.
