Daan nga hiligut-anon ang ginalantaw nga rason sang pagtiro-patay sang wala makilala nga suspetsado sa isa ka gwardiya sa corner Locsin-Luzuriaga Street, Bacolod City, sang Sabado sang gab-i.
Ginkilala ang biktima kay Benjie Flores Fajardo, 30 anyos, residente sang Barangay Banago, Bacolod City, kag nagatrabaho bilang reliever nga gwardya sa balaligyaan nga ADZ.
Sa interview sang Bombo Radyo Bacolod kay Police Major Elmer Bonilla, station commander sang Bacolod Police Station 1, ginhingagaw pa dala pa sa Corazon Locsin Montelibano Memorial Regional Hospital ang biktima apang ini ang gindeklarar na nga dead on arrival.
Gintawgan nila ang Scene of the Crime Operation (SOCO) agud nga maproseso ang crime scene.
Suno kay Bonilla, nagtsekyar man sila sang CCTV sa area sang shooting incident apang wala nakuhaan sang camera ang pagkatabo sang insidente kag ang suspek.
Sa imbestigasyon, may yara sang narecover nga lima ka empty cartridge sang caliber 9mm.
Suno sa station commander sang Bacolod Police Station 1, sa background naman sang biktima, ginapahayag nga may yara sang gintiro sadto kag gintiro man ang biktima kag ini ang nagpanago sa Iloilo.
Apang ginaverify pa sang mga kapulisan ang nasambit nga impormasyon.
Sa karun padayon pa ang imbestigasyon sang mga kapulisan agud matumod ang suspek kag motibo sa pagpatay sa biktima.
