Halos daog tanan nga representante sang Cadiz City nga nalakip sa delegasyon sang Western Visayas para sa badminton team sa Palarong Pambansa 2025.
Sa interview sang Bombo Radyo kay coach Jordan Sun, daog sa secondary single girls si Alexis Repitillo batok sa Region 10 samtang daog man sa secondary single boys si Lovic Javier batok sa Region 5.
Suno diri, sa elementary level naman, daog sa single boys si Ryan John Broniola batok sa Region 9 kag sa double boys daog sanday Joshua Layao kag Theo Jude Depositario batok sa CARAGA region.
Ang tanan nga athletes ang naggikan sa ciudad sang Cadiz, Negros Occidental.
Pahayag ni Sun, ila ginalauman nga makuha ang bulawan nga medalya sa Palarong Pambansa.
Samtang, ginpasalamatan man sini si Cadiz City Mayor Salvador Escalante Jr. nga nagbyahe padulong sa Ilocos Norte para maglantaw sa competition nga nagpa-boost sa morale sang mga atleta.
