Malipayon nga ginbaton sang Handumanan Elementary School 1 ang kitchen showcase nga ginhatag sang Indian Community sa syudad sang Bacolod paagi sa Bombo Radyo.
Kahapon ginturn-over ang P8,000 worth kitchen showcase sa nasambit nga buluthuan kadungan sa pagtakop sang Brigada Eskwela 2019.
Ang kwarta nga ginbakal sang kagamitan ang gikan kay Mr. Vic Singh sang Punjabi Khalsa Diwan Indian Sikh Temple para sa Special Education students/pupil sang amo nga eskwelahan.
Bangud diri, tuman ang pag-pasalamat ni Asst. Prinicipal Anita Sevilla bangud sila ang ginpili nga mangin recipient.
Suno kay Sevilla, dako gid ini nga bulig para sa life skills sang ila mga special students ilabi na sa subong nga magabukas na ang klase.
Ang P8,000 nga kwarta ang ginhatag ni Mr. Singh sa Bombo Radyo Bacolod nga amo ang nagpili sang eswelahan nga mangin benepisyaryo sang 1 ka Double burner; 1 ka 11 kilogram nga LPG tank; 1 ka set sang 4in1 nga Oval Serving Bowl; 2 ka sets sang 6in1 nga small bowl; 2 ka sets sang 6in1 nga pinggan; 2 ka sets sang 6in1 Saucers; 1 ka set sang 6in1 big bowl; 1 ka set sang Steamer Pot; 1 ka kettle; 1 ka big frying pan; 1 ka non sticky frying pan; 2 ka blue aprons; 2 ka pink aprons; 1 ka set sang 3in1 Oven mitt; 3 pieces sang Water Pitcher; 3 pieces sang Soup Ladle; 3 pieces nga Truner; 1 ka chopping board set; 1 ka stainless kitchen knife with board; 2 ka dosena sang plastic cups; 2 ka dosena sang kutsara kag tinidor; oil strains; peelers; 1 ka square basket; 1 ka balde; 1 ka basin transparent; 1 ka food tong; kag 6 ka rice spoons.
Ang Handumanan Elementary School 1 ang ginpili bangud sa pagka-aktibo sang mga pumuluyo sa pag-partisipar sa mga Barangay activities ukon promo sang Bombo Radyo kag Star FM Bacolod.
