Nag-umpisa na kahapon, Marso 25 ang pormal nga hearing sa impeachment case batok kay Vice President Sara Duterte sa House Committee on Justice.
Apisar wala nagtambong ang Bise Presidente, ginpadayon sang komitiba ang presentasyon sang ebidensya kag testimonya gikan sa mga complainant.
Duha ka impeachment complaints ang ginkilala sang komitiba bilang supisyente ang porma kag substansya, nga nakabase sa gina-alegar paglapas sang konstitusyon kag sala nga paggamit sang mataas nga posisyon.
Madumduman nga nagpadala sang opisyal nga sabat si Vice President Duterte pinaagi sa iya nga legal team, nga naghingyo nga ibasura ang kaso bangud indi ini impeachable case.
Ginalauman nga magadugay ang hearing samtang ginapresentar ang mga dokumento kag testimonya sang mga witness, kag kun makakita sang supisyente nga ebidensya, mahimo isumiter sang komitiba sa plenaryo sang Kamara agud botohan kun ipatigayunon ang impeachment trial sa Senado.
