Ginalantaw sang quad committee sang kongreso ang posibilidad nga pagpatigayon sang hearing sa Davao City, ang lugar ni former President Rodrigo Duterte, nga una na nga naulamid sa isyu sang extra-judicial killings.
Suno kay Surigao del Sur Rep. Johnny Pimentel, ini kasunod man sang padayon nga pagpamalibad ni Duterte nga magtambong sa hearing sang komitiba.
Suno sa Kongresista, liwat nga magapadala ang komitiba sang imbitasyon kay Duterte kag kon indi ini magtambong, posible nga dal-on sang quad committee ang hearing sa mismo balwarte sang anay Presidente.
Paathag ni Pimentel, wala ginapilit sang komitiba si Duterte nga magtambong apang tuyo lamang sang mga miyembro nga mahatagan sang nagakaigo nga oportunidad ang anay presidente nga klaruhon ang iya pangalan nga makapila ka beses na nga gin-ulamid sang mga testigo.
