BACOLOD CITY — Nagahulat nalang sang imbitasyon ang Sugar Alliance of the Philippines – Negros Occidental agud nga makatambong sa hearing sang Kamara de Representantes tuhoy sa high fructose corn syrup sa Mayo 16.
Ini ang kaugalingon naman nga version sang manubo nga panalgan sang Kongreso matapos ang Senate inquiry tuhoy sa HFCS sang bulan sang Abril.
Suno kay Atty. Dino Yulo, spokesperson sang Sugar Alliance of the Philippines Negros Occidental Chapter, ang imbestigasyon ang pangunahan sang House Committee on Agriculture.
Nagalaom ang mga Sugar Alliance nga maplantsa na ang solusyon sa amo nga isyu agud nga indi ini magtuga sang dako nga epekto sa crop year 2017-2018.
Samtang, ginalauman naman nga makahimo na sang committee report ang Senado tuhoy sa una nga hearing kun sa diin naklaruhan sang mga senador nga dako ang epekto sang HFCS sa income sang mga sugar planters.
