High Fructose Corn Syrup kag iban pa nga artificial sweeter, luyag nga ipa-ban ni Congressman Dino Yulo

Luyag sang kongresista sang 5th District sang Negros Occidental ang pag-ban sang High Fructose Corn Syrup (HFCS) sa sugar industry.

Pahayag ni Congressman Atty. Dino Yulo, ang HFCS ang isa ka imported kag artificial sweetener nga may daku nga epekto sa pagnubo sang demand para sa lokal nga kalamay.

Suno kay Atty. Yulo, may iga-presentar siya nga proposal sa mga miyembro sang Kongreso, nga mareview ang mga risgo kag epekto sang HFCS angot sa problema sang sugar industry.

Ginaduso sini ang paggamit sang lokal nga kalamay sa baylo sa paggamit sang mga imported kag artificial sweetener partikular na sa mga beverage company.

Ang tikang ang indi lamang makabulig sa sugar planters, kundi makabaskog man sa lokal nga industriya sang kalamay.