BACOLOD CITY – Nagalaom ang local government unit sang Hinobaan nga matigayon ang pagpalapad sang industrial zone sang banwa kun sa diin nasulod ang patindugan sang shipyard sang Tsuneishi Heavy Industries Corporation.
Kahapon nga adlaw, nagpatigayon sang multi-agency consultative meeting tuhoy sa gina-propose nga ordinansa sang Hinobaan kag ini ang gintambungan sang nagkalain-lain nga ahensya sang gobyerno.
Suno kay Hinobaan Mayor Ernesto Estrao, luyag nila nga himuon nga 282 ektariyas ang sa karun nga 34 ektariyas nga industrial zone sa coastal barangays sang banwa kalakip na ang Barangay Bacuyangan kun sa diin patindugon ang shipyard.
Kun ini ang matigayon suno kay Estrao, wala sang kahoy nga tumbahon sa lugar magluwas lamang sa manubo nga mga mangroves.
Nahibaluan nga kun matigayon ang amo nga proyekto, magahatag ini sang trabaho sa 5 mil ka mga empleyado kun sa diin hatagan sang prayoridad ang taga-banwa mismo sang Hinobaan.
May yara sang grupo nga nagapamatok sa amo nga proyekto apang suno kay Estrao, yara sa sulod sang industrial zone ang patindugan sang Tsuneishi.
