Gin-athag ni Senate President Francis Escudero nga wala ginaduso sang Senado ang pagbuhin sang numero sang holidays sa pungsod.
Suno diri, ang polisa sang Senado, indi na pagdugangan ang mga holiday bangud tuman na ini kadamo apang wala man sila sang tuyo nga buhinan ini.
Suno sa iya, ang numero sang national kag local holidays sa pungsod ang nagdangat na sa 21 kag madamo pa ang igadugang kun ila aprubahan ang mga hagna nga may tinutuyo sini.
Suno sa iya, may yara sang ginatawag nga holiday economics scheme kun sa diin ang mga holidays ang gina-adjust sa malapit nga weekend kag ini ang nagadugang pa.
Aminado ini nga may mga diskusyon natuhoy sa pagconsolidate sang pila ka mga holidays apang wala ini nagalaom nga ini ang maresolbar sa madasig nga tinion.
