Magahulat ang House of Representatives sang sabat ni Vice President Sara Duterte sa ginapangatubang nga impeachment charges.
Suno kay House Committee on Justice member Terry Ridon, hulaton sang kamara ang sabat ni Duterte tubtob sa katapusan sang office hours subong nga adlaw.
Kun magsabat ang Bise Presidente, tugutan sang panel ang complainant nga magsumiter sang ila sabat, kag makahatag man sang rejoinder si VP Sara.
Posible man nga mag-isyu sila sang subpoena para sa income tax returns, bank records, kag business records ni VP Sara kag sang iya bana, bangod sa P50 million nga diperensya sa tunga sang iya sweldo kag sa iya gindeklarar nga net worth.
Ginakonsiderar man sang panel nga indi pagbatunon ang entry of appearance nga ginsumiter nanday Atty Michael Poa kag Atty Reynold Munsayac bilang mga abogado sang bise presidente, bangod posible nga may conflict of interest.
Pagasuguran ang hearing sini nga Abril 8.
