Subong nga Lunes, padayon nga ginabantayan ang Tropical Depression LUIS nga ulihi nasiplatan sa 130 km nasidlangan sang Casiguran, Aurora nga may kabaskugon sang hangin nga nagadangat sa 55 km/h kag pagmadlas nga tubtob 70 km/h.
Ini ang halos wala nagahulag samtang ginahusoy ang West Northwestward nga direksyon.
Ang bagyo ang padayon nga magahulag sa northwestward nga direksyon kag mahimo mag-landfall sa bahin sang Northern Luzon karon sa gab-i ukon bwas sa aga, Agosto 4 antes ini magliko sa east northeastward samtang nagapalayo sa Philippine landmass apang mahimo pa ini magbag-o sa masunod nga bulletin.
Ginalauman nga magpabilin ang bagyo sa bilang tropical depression sa kabug-usan nga forecast period mahimo maghina ang bagyo sa mga masunod nga adlaw partikular sa adlaw sang Miyerkules, Agosto 5, kun sa diin mahimo ma-absorb sang nagapadulong nga Tropical Cyclone Dolphin nga sa karon yara pa sa 2,850 km East Northeast sang Extreme Northern Luzon sa gwa sang Philippine Area of Responsibility (PAR)
Ini ang may kabaskugon sang hangin nga 155 km/h kag pagmadlos nga nagadangat sa 190 km/h ang kadasigun.
Nagahulag ini sa west northwestward nga direksyon sa kadasigun nga 25 km/h.
Nakapaidalom sa Tropical Cyclone Wind Signal no. 1 sa pila ka mga lugar sa Luzon partikular sa central kag eastern portion sang Cagayan, Isabela, Quirino, eastern kag southern portion sang Apayao, eastern portion sang Kalinga, eastern portion sang Mountain Province, eastern portion sang Ifugao, northern portion sang Aurora, Polillo Islands, kag northern portion sang Camarines Norte.
Samtang, maeksperyensyahan ang pagbubu sang ulan nga may pagmadlos sang hangin sa Cagayan, Isabela, Quirino, Apayao, Kalinga, Mountain Province, Ifugao, Aurora, Quezon, kag Camarines Norte bangud kay bagyong Luis.
Lauman naman ang lapta-lapta nga pag-ulan sa Metro Manila, Ilocos Region, Central Luzon, nabilin nga bahin sang Cordillera Administrative Region, nabilin nga bahin sang Cagayan Valley, nabilin nga bahin sang CALABARZON, Occidental Mindoro, Oriental Mindoro, kag Marinduque tuga gihapon sang bagyo.
Samtang, lauman man ang lapta-lapta nga pag-ulan sa Antique, Iloilo, Guimaras, kag Negros Occidental dala sang hanging habagat kag tumalagsahon naman nga mga pag-ulan sa nabilin nga bahin sang pungsod dala naman sang localized thunderstorms.
