Gin tuoud-toud gid sang bata ang iya nga pagpamahog sa tag-iya sang ido nga husky nga ini ang iya kuhaon kag baylohan sang isa ka stuffed toy.
Sa Massachusetts, Amerika makita sa CCTV nga ang ido nga si Gunner ang nagapahuway sa ugsaran sang iya nga fur mom nga si Amanda Sullivan.
Makaligad ang pila ka minutos nag-abot ang bata nga si Olivia dala ang iya stuffed toy kag dog collar.
Ginbaylohan sini ang collar ni Gunner kag ginhagad ang ido nga maglakat.
Sa sugod may pag duha-duha pa si Gunner maglakat kag ginahulat nga mag pahanugot ang iya amo nga si Amanda Sullivan.
Apang wala naggwa ang iya amo kag siya ang nag-upod sa bata kag ginbaylohan ni Olivia sang stuffed toy ang ido nga iya ginbutang sa ginatiniran sang sapat.
Nahibaluan nga si Gunner kag Olivia ang madugay na nga magplaymate kag wala man ginkabalaka sang tag iya ang natabo.
