Gin-aprubahan na sang Sangguniang Panlungsod sang ciudad sang Bacolod ang kontrata sang bag-o nga garbage collector kag garbage hauler para sa tuig 2026.
Suno kay Councilor Caesar Distrito, wala nakapasar sa post qualification ang IPM Construction and Development Corporation matapos nga ini ang nangin lowest calculated bidder.
Suno diri, bangod wala nakapasar ang IPM, ginbuslan ini sang second lowest bidder nga amo ang International Solid Waste Integrated Management Specialist (I-SWIMS) incorporated.
Madumduman nga nag-bid ang IPM sang P316 million samtang ang I-SWIMS nagbid sang P327 million para sa P330 nga Approved Budget for the Contract (ABC).
Suno kay Distrito, ang I-SWIMS amo ang biggest contrator sang garbage collection kag ini nagaserbe sa 17 ka ciudad sa Metro Manila.
Pahayag sini, sa contrata nabutang nga 60 ka garbage trucks ang gamiton kag 50 diri ang compactor.
Ginpasakaan man ang penalidad sa mga violations.
Nabutang man sa kontrata nga total clean up ang himoon indi kaangay sang tinalikdan nga volume based ang paghakot sang basura.
Ang contrata sang I-SWIMS maga-umpisa sa Enero 1 tubtob Disyembre 31, 2026.
