Ginpahayag sang gobernador sang Negros Occidental nga masobra sa P5 billion ang igaduso nga pondo sang probinsya para sa 2025.
Suno kay Governor Eugenio Jose “Bong” Lacson, sa 2025 padayunon nila ang mga kinahanglanon nga mga proyekto kaangay lamang sang mga farm to markets road.
Suno kay Lacson, madamo man sa mga Local Government Units ang nagahingyo sa provincial government sang road concreting.
Dugang pa sini nga pila sa mga pagagamitan sang pondo ang pagpanami sang Paglaum Sports Complex sa ciudad sang Bacolod.
Suno pa diri, ang ciudad sang Talisay, Bago kag banwa Manapla ang nagahingyo man nga magpatukod sang track oval agud mapabakod ang mga programa sa sports.
Nalakip sa pagagamitan sang pondo ang development sang Mambukal Resort and Wildlife Sanctuary.
Nagalaom ang gobernador nga makumpleto ang pasilidad kag proyekto nga ginpatuman sini sa sulod sang tatlo ka tuig./
