Nagapanguna sa karun ang probinsya sang Iloilo sa may pinakamadamo nga nakuha nga gold medal sa partial unofficial nga medal tally sang Western Visayas Regional Athletics Association (WVRAA) Meet 2024 nga ginhost sang Negros Occidental.
Yari ang partial unofficial results sa athletics, ang probinsya sang Iloilo ang may nakuha nga tatlo ka gold medals nga ginabug-usan sang shot put sa elementary boys nga nakuha ni Charles Daniel Turla; Long Jump Secondary Boys nga nakuha ni Sam Bantillo; 5000 meter run nga nakuha ni Silmar Alcoran; samtang ang ang Negros Occidental ang nakakuha sang gold medal sa long jump secondary girls nga nakuha ni Bianca Siroy, kag ang Aklan naman ang nakakuha sang gold medal sa shot put elementary girls nga nakuha ni Redluses.
Sa silver medal naman tatlo man ang nakuha sang Iloilo; isa sa probinsya sang Capiz kag isa man ang sa probinsya sang Aklan.
Sa Bronze naman, isa sa Capiz kag duha Aklan.
Sa Para Games ang Negros Occidental ang may nakuha na nga duha ka gold sa athletics.
Ang mga medalya nga nakuha sang tagsa ka probinsya ang mahimo pa madugangan bangud nagapadayon pa ang mga hinampang sa Western Visayas Regional Athletics Association (WVRAA) Meet 2024.
