Nagapangabay ang pamilya sang napatay nga bag-ong bun-ag nga lapsag sa Bago City Hospital nga atubangon sang may sala ang kaso nga idagdag sa ila angot sa ila lapses nga nagresulta sa pagkapatay sang lapsag.
Sa interview sang Bombo Radyo sa iloy nga si Jennifer Saylo, naghaum ini nga basi nalipatan na ang natabo sa ila apang ila ginkalipay nga may yara na sang tikang nga ginahimo agud mahatag sa ila ang hustisya.
Suno diri, naghambal ang bana sini nga nagapabatyag ang ila bata nga suno sa iya may nabatian ini nga hibi sang bata kag nagdamgo nga naglagaw-lagaw sila sang bata niya nga lalaki.
Pahayag ni Saylo, dapat atubangon sang may sala ang kaso nga idagdag sa ila kag iya ginapangabay nga indi na maliwat pa sa iban ang natabo sa iya.
Samtang, nagpasalamat naman ini kay Bago City Mayor Nicholas “Nico” Yulo nga may yara na sang tikang nga ginahitso para sa hustisya sang ila bata.
