Ginpauntat temporaryo sang Department of Agriculture (DA) ang pag-import sang poultry halin sa apat ka estado sa Estados Unidos agud mapunggan ang pagsulod kag paglapta sang bird flu sa Pilipinas.
Santo sa Memorandum Order No. 11, nalakip sa import ban ang domestic kag wild birds kag ila nga mga produkto, poultry meat, day-old chicks, eggs kag semen halin sa Illinois, Minnesota, Ohio kag Wisconsin.
Ini nga memo ang kasunod sang mga outbreak sang highly pathogenic avian influenza nga na-report sa US sang nagligad lamang nga Pebrero 3.
Bangud sa mandu ni Agriculture Secretary Francisco Tiu Laurel Jr., automatic nga suspended ang pag-proseso, pag-evaluate, kag pag-isyu sang sanitary and phytosanitary import clearance para sa nasambit nga mga produkto.
