Indi magnubo sa 48 ka persona, patay kasunod sang paglupok sang fuel tanker truck sa Nigeria

Indi magnubo sa 48 ka mga persona ang nagkalamatay matapos nga naglupok ang isa ka fuel tanker truck kasunod sang collision sa isa pa gid ka vehicle sa north-central Nigeria suno sa state disaster management agency.

Suno sa State Emergency Management Agency sa north-central Niger state, ang fuel truck ang nagcolide sa isa ka truck nga nagadala sang mga pasahero kag cattle.

Ang iban nga mga salakyan ang naulamid man sa aksidente.

Suno sa tagpamaba sang ahensya nga si Hussaini Ibrahim, ang death toll ang nagdangat na sa 48 kag sa karun ginatuyo pa sang mga opisyales nga maclear ang scene sang insidente.